17.10.2022
12-oktabr kuni O‘zbekiston Endokrinologlari II Xalqaro Kongressining ikkinchi kuni bo‘lib o‘tdi. O‘zbekiston Respublikasi Endokrinologlari Kongressi doirasida birinchi marta “Yosh olimlar” sekciyasi ochildi. Unda eng yaxshi ilmiy ma’ruzalar tinglandi, yosh olimlar noutbuklar bilan taqdirlandi. Shuningdek, tibbiyot oliy o‘quv yurtlari talabalari, klinik ordinatorlar va shifokorlar uchun Akademik Y.X. To‘raqulov nomidagi RIEIATM qoshidagi O‘quv markazi haqida hamda "2-toifa qandli diabet bilan og'rigan bemorlar uchun terapevtik ta'lim milliy maktabi"ning taqdimot bo‘lib o‘tdi. Kongress yakunlari bo‘yicha bolalar endokrinologiyasi, diabetologiya, tireoidologiya, neyroendokrinologiya kabi yo‘nalishlari bo‘yicha rezolyusiya qabul qilindi. Aholining sog‘lom turmush tarzi va jismoniy faolligini qo‘llab-quvvatlash markazi bilan birgalikda aholi o‘rtasida sog‘lom turmush tarzi va to‘g‘ri ovqatlanishni targ‘ib qilish, zararli oziq-ovqat mahsulotlari reklamasini cheklash bo‘yicha qaror qabul qilindi. Hammasi inson qadri uchun.