21.09.2023
Inson qadri uchun! Akademik Yo.X.Turaqulov nomidagi RIEIATM xududiy filiallar bo‘yicha direktor o‘rinbosari Faxrutdinova S.S., tashkiliy uslubiy bo‘lim boshlig‘i Berdikulova D.M. tomonidan 21.09.2023 y Qashqadaryo viloyati Karshi shaxar Jom'e Masjidida barcha din peshvolari va otin oyilarga «sog‘lom turmush tarzini targ‘ib etish va endokrin kasalliklarni oldini olish» maxsus loyixa asosida seminar trening amalga oshirildi.
Ushbu loyixa imomlarga aholi o‘rtasida, shuningdek, turli diniy (jamoaga osh berish, ehson qilish va boshq.) tadbirlarda sog‘lom turmush tarzini targ‘ib qilish va qandli diabet kasalligini erta aniqlash, oldini olish imkonini beradi. Shuningdek ayollar orasida ma'ruza o‘qish uchun din peshvolari – “otin oyi”lar ham tayyorlandi. Ularga “ma'ruza” uchun materiallar taqdim etildi.
Bundan tashqari barcha imomlar va otin oyilar orasida qonda qand miqdori o‘lchanib, qandli diabet skriningi amalga oshirildi va ularga buning axamiyati nechog‘liq zaril ekanligi ko‘rsatildi.