“2025 йилнинг энг муваффақиятли ихтисослаштирилган илмий-амалий тиббиёт маркази”

17.01.2026 Ўзбекистон Республикаси Тиббий Туризм Ассоциацияси томонидан ташкил этилган “2025 йилнинг энг муваффақиятли тиббий-соғломлаштириш муассасаси” танлови доирасида Республика ихтисослаштирилган Эндокринология илмий-амалий тиббиёт маркази “2025 йилнинг энг муваффақиятли ихтисослаштирилган илмий-амалий тиббиёт маркази” номинацияси бўйича ғолиб деб топилди.

Мазкур э’тироф марказнинг юқори профессионал салоҳияти, замонавий диагностика ва даволаш ёндашувлари, илмий-амалий фаолиятдаги ютуқлари ҳамда аҳолига кўрсатилаётган сифатли тиббий хизматларининг тасдиғидир. Ушбу ютуқ жамоанинг фидокорона меҳнати ва малакали мутахассислар са’й-ҳаракатлари натижасидир.

Марказ жамоасини ушбу юксак мукофот билан табриклаб, келгусидаги фаолиятида улкан муваффақиятлар ва янги ютуқлар тилаймиз.

Муассаса фаолияти бўйича қисқача ҲИСОБОТ

Муассаса қуввати:

Амбулатор-поликлиника бўлими — кунига 400 қатнов, стационар бўлим — 302 ўрин. Ҳудудда 18 та бино ва иншоот мавжуд.

Моддий-техник база:

СПЕCТ-CТ АнйСcан Медисо (Осиёда ягона), МРТ Пҳилипс Ингениа 1.5Т, денситометрия Лунар Продигй Адванcе, 675+ лаборатор таҳлиллар, замонавий рентген ва офталмологик ускуналар, юқори технологик жарроҳлик амалиётлари.

Кадрлар салоҳияти:

Жами 379 нафар ходим (162 шифокор, 217 ҳамшира). Илмий салоҳият — 39%: 12 ДСc, 47 ПҳД, 2 профессор; 34 тадқиқотчи ва 24 докторант.

Устувор йўналишлар:

Қандли диабет, қалқонсимон без, нейроендокрин ва болалар эндокринологияси, репродуктив ва орфан касалликлар, эндокрин жарроҳлик ва ядро тиббиёти, илмий тадқиқотлар.

2025-йил кўрсаткичлари:

129 532 резидент ва 2 779 норезидент консултацияси, 5 000+ ядро тиббиёти беморлари, 2 млн+ лаборатор таҳлиллар, 128 турдаги юқори технологик хизматлар.

Сервис хизматлари:

Электрон тиббий карталар, онлайн навбат ва Cалл-марказ, ахборот киосклар, нақд пулсиз тўловлар, хорижий беморлар учун комплекс хизматлар.

Back to the list