06.02.2026
2026 yil 4 fevral kuni Akademik Yo.X. Turaqulov nomidagi Respublika ixtisoslashgan ilmiy-amaliy tibbiyot endokrinologiya markazida Ilmiy kengashning navbatdagi yig‘ilishi bo‘lib o‘tdi.

Yig‘ilish davomida markazning 2026 yilga mo‘ljallangan ilmiy faoliyati, strategik rejalari hamda kelgusida amalga oshirilishi rejalashtirilgan muhim vazifalar muhokama qilindi.

 Yig‘ilish kun tartibiga quyidagi masalalar kiritildi:

 Ilmiy kengash tarkibini ko‘rib chiqish va tasdiqlash
 2026 yilga mo‘ljallangan Ilmiy kengash ish rejasini tasdiqlash
 Markazning 2026 yildagi ilmiy faoliyati bo‘yicha ish rejasini muhokama qilish
 Xorijiy ilmiy tashkilotlar va ekspertlar bilan hamkorlikni rivojlantirish bo‘yicha rejalarni tasdiqlash
 1-kurs doktorantlarning ilmiy mavzularini tasdiqlash
 Ilmiy laboratoriyalarning 2026 yilga mo‘ljallangan ish rejalarini ko‘rib chiqish

 Yig‘ilish yakunida ilmiy salohiyatni oshirish, xalqaro hamkorlikni kengaytirish hamda yosh olimlarni qo‘llab-quvvatlashga qaratilgan muhim qarorlar qabul qilindi.