23.07.2026
Prolaktinoma nima? Kabergolinni har kim ham ichishi kerakmi?

Ko‘pchilik prolaktin biroz yuqori chiqishi bilan kabergolin qabul qilishni boshlaydi. Ammo bu har doim ham to‘g‘ri emas!

 Prolaktinoma — gipofiz bezining prolaktin gormonini ortiqcha ishlab chiqaruvchi yaxshi sifatli o‘smasi.

U quyidagi belgilar bilan namoyon bo‘lishi mumkin:
 Hayz siklining buzilishi
 Bepushtlik
 Ko‘krakdan sutsimon ajralma kelishi
 Libido pasayishi

 Kabergolin prolaktinomani davolashda samarali dori hisoblanadi. Lekin uni faqat prolaktin yuqori chiqqani uchun qabul qilish tavsiya etilmaydi.

 Kabergolinni boshlashdan oldin:
• Prolaktin qayta tekshirilishi;
• Makroprolaktin istisno qilinishi;
• Qalqonsimon bez faoliyati baholanishi;
• Qabul qilinayotgan dori vositalari hisobga olinishi;
• Zarurat bo‘lsa gipofiz MRT tekshiruvi o‘tkazilishi kerak.

 Muhim! Har bir prolaktin oshishi prolaktinoma degani emas. Noto‘g‘ri tashxis va asossiz davolanishning oldini olish uchun endokrinolog ko‘rigidan o‘tish zarur.

 To‘g‘ri tashxis — samarali davolashning eng muhim bosqichi.
Video: