29.08.2026
Mustaqillik shukuhi!  
Eng ulug‘, eng aziz bayram — Mustaqilligimizning 35 yilligi shodiyonasi Respublika ixtisoslashtirilgan endokrinologiya ilmiy-amaliy tibbiyot markazida ham ko‘tarinki ruhda nishonlanmoqda.

 Bayram munosabati bilan o‘zining ko‘p yillik samarali mehnati, kasbiga sadoqati va fidoyiligi bilan markaz rivojiga munosib hissa qo‘shib kelayotgan 20 nafar xodim “Mustaqillikning 35 yilligi” ko‘krak nishoni bilan taqdirlandi.

Faxr va hayajon bilan qabul qilingan ushbu e’tirof avvalo fidokorona mehnatga berilgan yuksak baho, qolaversa el-yurt xizmatida yanada katta marralar sari chorlovdir.

Taqdirlash marosimida mukofotlarni markaz direktori, professor A. Alimov o‘z egalariga tantanali ravishda topshirdi.

Yangi O’zbekiston taraqqiyotiga ko’z tegmasin!

Yurtimiz rivoji xalqimiz farovonligi yo‘lida mehnat qilayotgan fidoyi insonlar safi yanada kengayaversin!